Рэспубліканскі тэатр беларускай драматургіі існуе з 1991 года. Нягледзячы на тое, што РТБД дастаткова малады, ён па праву лічыцца экспертам у сучасным беларускім тэатры. Пры тэатры існуе Цэнтр беларускай драматургіі, які з'яўляецца платформай для збору і папулярызацыі сучасных беларускіх п'ес.
РТБД не абмежаваны жанравымі рамкамі. У рэпертуары тэатра ёсць драмы, камедыі, а таксама першы дакументальны спектакль на сцэне рэпертуарнага тэатра Беларусі.
РТБД адзін з нешматлікіх тэатраў Беларусі, у якім усе пастаноўкі ідуць на беларускай мове.